Translate

Monday, August 26, 2013

Aashiqui

Kyun tumhari yaad satane lagi!
Har pal bus tumhari yaad aane lagi!
Aashiq to bohat mile iss hussn k,
Par kyun tumhari aashiqui dil ko itni bhane lagi...

 
Chand ki roshni aaj humare kano me kuch kehne lagi,
Ye hawaye hume chukar kuch samjhane lagi,
Yeh kaisa paigam lekar aayi hai fizaye!
Jise na samajh kar bhi honto pe hansi aane lagi...

Sunday, August 4, 2013

Mera Dost

Kuch mitha sa kuch khatta sa...
Kuch saitan to kuch sidha sa.
Kabhi banta hai wo anjel to kabhi ghost 
Happy friendship day

Kuch aisa hi hai mera dost.
 
Kehta hai mujhse dil ki har baat
Dur rehkar bhi wo hai mere sath
Kabhi phone calls to kabhi chatting
Mahine me ekbar hi ho pati hai apni dating
 
Kya hua agar hum nhi milte har roz
Use rehti hai mere har baat ki khoj
kab khush hokar kar karti hu mai masti
kab kiski baat mujhe hai chubhti.
 
Dhundta rehta hai wo mujhse baat karne ka bahana
Ekdin baat na karu to khata nhi wo khana
Din bhar ki sari baatein jab tak wo mujhe nahi kehta
Ekpal k liye bhi wo chain se nahi rehta.
 
Par mujhe chidane mai usko aata hai bada maza
Mujhe kehta hai tujhse pagal nahi hai koi duza
Mai bhi usko chidane mein koi kasar nahi rakhti
usko kehti rehti hu - bandar, ullu, hathi ...
 
Usse jhagadti hu mai taki wo mujhe manaye
Dosti k bahane wo mere aur karib aaye.
Humesha mai ruthu aur wo mujhe manaye...
Aise hi humari puri zindagi beet jaye.

 

Friday, July 19, 2013

Aachha Lagta Tha

Jab wo sath the, kuch khaas the,
Unke liye Jeena aaccha lagta tha.
Kuch pal ki mulakat k liye,
Unse bichadna bhi aaccha lagta tha.
 
Pyarasa unka wo masoom chehra dekh kar,
Apni ankho me ansu bhi aaccha lagta tha.
Wo pyar se manane aate the isliye,
Baat baat pe naraj hona accha lagta tha.
 
Khayal itna rakhte the wo mera ki,
Apmi parwah na karna acchha lagta tha.
Unke sath bitaye palo ko yaad karke,
Ekele me muskurana accha lagta tha.

 Kash unke jaane se pehle,
Ye bata pate hum....
Unke sath puri zingadi bitane ka sapna
Aaacchhaa lagta tha...
 
 
 
 

Friday, June 28, 2013

Pehli Nazar...

 
Pehli bar mili thi jab
          Meri nazar se unki nazar
Cha gaya nasha pyaar ka
         Ankho ne kiya dil pe asar
Kuch sarma se gaye hum
        kuch ghabra se gaye tab
Tham si gayi thi sanse meri jab
     Unka hath tha meri hath par

Dil mein thi hazaro baatein
         Par hont kapne lage the
Kya kahen kaise kahen
         Badi uljhan me pade the
Dhirese aaye pass wo
         Apni bahaon me tham liye
Sari duniya ki khushiyo ko
         Mere daman me dal gaye

Wednesday, June 26, 2013

Intejaar...

 
 
Woh lamhe intejaar k kitne hasin hain...
Tuhjse jyada tere khayal hasin hain!
Dur ho jaye tu kuch pal k liye...
Yeh duri me tadapna bhi kitna hasin hain!



 

Saturday, June 22, 2013

Kuch Batein...

 
Dil ki baat dil mein reh jati hai
Honto pe aane se pehle hi rukh jati hai
Chahe kalo kitni bhi koshis...
Par itni himmat nahi mil pati hai.

Kuch Batein hoti hi aisi hai
Dil k kisi kone me bus jati hai
Jab bhi karo ise mehsus...
Ek alag sa dard de jati hai.

Jane kis uljhan me rehti hai
Duniya k samne aana chahti hai
Par jab moka mile...
To jane kahan chup jati hai.

Samne aane se ghabrati hai
Kisi anjam se dar jati hai
Isiliye sayad dil k pass...
Ekele hi rehna rehna chahti hai.



Wednesday, June 19, 2013

Kaise!!!

 

 
 
Hum Chahte hai unhe yeh bataye kaise!
Apne dil ki halat samjhaye bhi to kaise!
Wo to khoye hain kisi aur k hi khayalo mein,
Unke Khayalo mein todhisi jagah banaye bhi to kaise!!!